Në qarkun e Lezhës, deri më tani raportohet të jenë numëruar 109 kuti nga 245 në total lidhur me votat preferenciale, siç raporton Tv Klan.
Partia Demokratike në këtë qark pati një triumf prej 44.43%, duke siguruar kështu 4 mandate për në Kuvend.
Agron Gjekmarkaj dhe Elda Hoti, pjesë këta të listës së mbyllur, do të kenë vendin e sigurt në Parlament, të cilët pritet të shoqërohen nga Gjin Gjoni (4318 vota) dhe Aleksandër Lala (2817 vota), bazuar në numërimin e deritanishëm. Jashtë deri tani mbetet ish-deputetja Lindita Metaliaj.
Sakaq, Partia Socialiste vjen e dyta në radhë, pas marrjes së 42.54% të votave, duke siguruar kështu 3 mandate. Nga lista e mbyllur janë Ulsi Manja dhe Ermal Pacaj, për t’u shoqëruar nga Pranvera Skana nga lista e hapur me 3768 vota.
Në Bashkinë Mirditë ka përfunduar numërimi i votave preferenciale, ndërsa në KZAZ 12 dhe 13 në Bashkinë e Lezhës është ndërprerë për të filluar në orën 12:00. Ndërkohë në KZAZ 15 në Kurbin nuk ka nisur ende numërimi i votave për kandidatët.
