Qarku i Tiranës është i vetmi që ka mbetur për të vijuar me numërimin e votave të hedhura për subjektet politike. Siç raportohet, momentalisht ky proces është pezulluar në 4 KZAZ-të ku nuk ka përfunduar ende numërimi.
Procesi i numërimit do të nisë në orën 12:00 për disa njësi, ndërsa tek njësia administrative nr. 4 do të nisë në orën 14:00.
Konkretisht në Tiranë sipas KQZ nga votat e numëruara deri më tani kryeson PS, ku ka arritur të marrë 177831 vota ose 47.62 % të tyre. Nga ana tjetër Koalicioni Partia Demokratike – Aleanca për Shqipërinë Madhështore ka arritur të marrë 132003 vota ose e shprehur në përqindje 35.35 %.
