Në të gjithë Shqipërinë vijon votimi. Në fshatin Nartë në Vlorë, duket se ka rënë qetësia.
Gazetarja Greta Haskaj raportoi nga atje se ka një numër shumë të vogël të personave që kanë votuar.
Më konkretisht atje ndodhen 4 qendra votimi. Në njërën prej tyre, aty ku në listë janë 929 zgjedhës kanë votuar vetëm 91 prej tyre.Në tre të tjerat situata është e tillë: 84 votues nga 939 zgjedhës në QV-në tjetër, 80 votues nga 936 në tjetrën dhe 80 votues nga 920 persona në të fundit.
Kjo është një ulje drastike në krahasim me zgjedhjet e tjera, pavarësisht se Narta ka pasur prej kohësh një mosfrekuentim apo pjesëmarrje në votime”, raportoi gazetarja.
Sipas kryeplakut të fshatit votimi ka shkuar në mënyrën më të mirë të mundshme, pa konflikte, por siç tregojnë shifrat, pjesëmarrja ka qenë e ulët.
