Pas debateve të regjistruara me disa qytetarë dhe vëzhgues në qendrën e votimit të Vorës, policia ka nisur procedimi në gjendje të lirë për Sekretarin e Përgjithshëm të PD-së, Flamur Noka.
Uniformat blu bëjnë me dije se mbi Nokën rëndon vepra penale “Kanosja/dhunimi ndaj pjesëmarrësve në zgjedhje”.
“Specialistët për Hetimin e Krimit Ekonomik dhe Financiar në DVP Tiranë, pasi komunikimit me Prokurorin referuan materialet në Prokurori, ku nisi procedimi në gjendje të lirë për shtetasin F. N, me detyrë Sekretar i Përgjithshëm i Partisë Demokratike, për veprën penale “Kanosja/dhunimi ndaj pjesëmarrësve në zgjedhje”.
Procedimi në gjendje të lirë nisi pasi në bazë të kallëzimeve të shtetasve Xh. A., 29 vjeç dhe M. D., 33 vjeç, ky shtetas ditën e sotme, në Vorë, i ka penguar dhe kanosur për të ushtruar të drejtën e votimit”, njofton policia.
Materialet procedurale do t’i referohen Spak, për hetime të metejshme./Opinion.al
