Kreu i Partisë Demokratike Sali Berisha u pyet gjatë një konference për mediat, për vlerën e kontratës me Chris LaCivita, ku deklaroi se “kjo kontratë është bërë për këshillim dhe konsulentë elektorale, madje sipas tij kjo kontratë do të depozitohet në KQZ në kohën e duhur.
Sipas Berishës, kontrata do të depozitohet siç e parashikon ligji dhe është 100 për qind transparente.
“Kontrata me Chris LaCivita është bërë për këshillimin e për konsulencë elektorale, ajo do të depozitohet në kohën e duhur në Komisionin Qendror të Zgjedhjeve siç e përcakton ligji. Chris LaCivita është personaliteti më i shquar në domenin elektoral që ka shkelur në Shqipëri. Unë e kuptoj kureshtjen tuaj, por kompani konsulence këtu ka pasur gjithnjë. Në vendin tonë ka pasur gjithmonë dy ose tre kompani konsulence. Kontrata do të depozitohet sipas ligjit, është 100% transparente dhe e pastër”u shpreh Berisha.
