Ndërkohë që na ndajë pak ditë nga zgjedhjet e 11 Majit, kreu i Komisionit Qendror të Zgjedhjeve, Ilirjan Celibashi ka bërë një thirrje për qytetarë në rrjetin social “Facebook”. Në këtë thirrje, kreu i KQZ fton qytetarët të marrin pjesë në zgjedhje e të ndikojnë në drejtimin e vendit.
Sipas Celibashit, vota e çdo qytetari është zëri i tij, ndaj ka kërkuar gjithashtu që ata ta ushtrojnë këtë të drejtë.
“Vota jote është zëri yt! Merr pjesë në zgjedhje dhe ndiko në drejtimin e vendit! Ushtro të drejtën tënde qytetare!”, shkruan në “Facebook”, kreu i Komisionit Qendror të Zgjedhjeve.
Nga ana tjetër, në këtë postim Celibashi ka bërë të ditur se cilët mbështetin procesin zgjedhor në Shqipëri. “Projekti i Prezencës së OSBE-së “Mbështetje për reformën dhe procesin zgjedhor në Shqipëri” mbështetet nga Suedia, Zvicra, Misioni i SHBA-së në OSBE dhe Polonia”.
