Në Prokurorinë e Përgjithshme, deri më 7 maj 2025 janë regjistruar gjithsej 44 kallëzime penale për vepra të lidhura me procesin zgjedhor.
Nga të dhënave zyrtare të kësaj Prokurorie, burimet e kallëzimeve janë të ndryshme: në 19 raste janë bërë nga policia gjyqësore, në 9 raste nga SPAK, në 6 raste nga subjekte politike, 8 janë nisura kryesisht dhe 2 nga qytetarë.
Disa nga shifrat kryesore përfshijnë:
-Fieri me 5 kallëzime dhe po kaq procedime penale të regjistruara.
-Dibra me 9 kallëzime, por vetëm një procedim të hapur deri tani.
-Tirana me 7 kallëzime, ndërsa hetimet për to janë në proces verifikimi. Nga 44 kallëzimet, janë regjistruar 20 procedime penale që po hetohen në disa prej prokurorive më të mëdha të vendit:
-Fier: 5 procedime (për vepra si cenimi i zgjedhjeve të lira dhe përdorimi i pasurisë për blerje votash)
-Elbasan: 4 procedime (përfshirë dhe akuza të tjera si moszbatimi i urdhrave të ligjshëm dhe fshehje të sendeve)
Sarandë, Gjirokastër, Shkodër, Kukës, Korçë, Vlorë, Durrës, Dibër: me 1-2 procedime secila, kryesisht për “përdorim të funksionit publik për fushatë” dhe “korrupsion zgjedhor”.
Një kallëzim i Prokurorisë Durrës dhe një procedim penal nga Prokuroria Fier i janë dërguar për kompetencë SPAK-ut, ndërsa pjesa tjetër e dosjeve ndodhet ende në fazën e verifikimit.
Institucionet pohojnë se do të vijojnë ndjekjen e çdo rasti që cenon integritetin e procesit zgjedhor dhe nënvizojnë se bashkëpunimi me qytetarët dhe institucionet është thelbësor për të garantuar zgjedhje të lira e të ndershme.
