Kreu i Partisë Demokratike ka surprizuar gjatë takimit të tij me minatorët në qytetin e Bulqizës. Ai ka mbajtur një kokore gjatë fjalës së tij, ku theksoi se qeverisja e PD do të rregullojë statusin e minatorit.
Në këtë takim, kreu i PD tha se kauza e minatorëve do të triumfojë më 11 Maj, dhe se borxhi i tyre do të kthehet. Sipas Berishës, të ardhurat nga sektori minerar do të shkojnë për mirëqenie edhe për punësim.
“Do rregullojmë statusin e minatorit. Do të kujdesemi për shëndetin e minatorit. Do keni edhe kartën e konsumatorit, ku do të blini 20 për qind gjithçka dhe këtë do e përballojë shteti. Kauza juaj është e drejtë dhe kjo kauzë triumfon përfundimisht më datë 11 maj. Shqipëria dhe ne do ua kthejmë borxhin ju”, deklaroi Berisha.
