Kreu i PD Sali Berisha, në takimin përmbyllës të fushatës elektorale në Tropojë i ka bërë thirrje shqiptarëve që të mos votojnë për kryeministrin aktual Edi Rama.
Sipas Berishës, një votë për kreun e qeverisë do të jetë një akt tradhtie ndaj të rënëve dhe gjakut të tyre.
Kreu i Demokratëve u ndal gjithashtu se gjuha e përdorur nga Rama, duke e cilësuar opozitën kënetë dhe kreun e saj buf, është vetëm një përpjekje për të mbuluar vjedhjet e bëra gjatë qeverisjes së tij.
“Mos votoni për Pashiqin shqiptar sepse keni tradhtuar gjakun e sakrificat e të rënave. Rama nuk ka asgjë shqiptare. U ndry 3 muaj pa dalë para asnjë gazetari e donte t’ju mashtronte me buf, kënetë, çyryk, zhapinj. Kërkonte që të zezat që ju ka bërë ju t’i mbulojë si hokatar. Me banalitete, me tallje. Por kë tallte ai? Tallte qytetarin. Organizonte mbledhje si në vitet ’50 veçmas me burrat e veçmas me gratë”, tha ai.
