Një aksident me pasojë vdekje është regjistruar në orët e para të mëngjesit të sotëm në rrugën, “Memaliaj-Krahës”, në afërsi të fshatit Qesarat.
Mësohet se një 71-vjeçar që po lëvizte me motor ka humbur kontrollin dhe ka dalë nga rruga dhe për shkak se përplasja ka qenë e fortë, i moshuari ka ndërruar jetë në vendin e ngjarjes.
“Rreth orës 01:55, në aksin rrugor “Memaliaj-Krahës”, në afërsi të fshatit Qesarat, motomjeti që drejtohej nga shtetasi Sh.S., 71 vjeç, banues në fshatin Toç, ka dalë nga rruga. Si pasojë e daljes nga rruga 71-vjeçari ka humbur jetën në vendngjarje. Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton Policia.
