Kryetarja e Kuvendit të Shqipërisë, Elisa Spiropali ka përshëndetur hapjen e grup-kapitullit të 2-të të negociatave.
Përmes një postimi në rrjete sociale, Spiropali shprehet se çelja e negociatave për grupkapitullin “Tregu i Brendshëm”, është një hap frymëzues për vendin tonë.
Ajo thotë se Kuvendi do japi kontributin e tij për integrimin e vendit tonë në Bashkimin Evropian.
“Çelja e negociatave për grupkapitullin “Tregu i Brendshëm” është një tjetër hap frymëzues për Shqipërinë 2030 në BE.
Përgëzoj pjesëtarët e ekipit negociator, institucionet dhe gjithë kontribuesit në këtë sukses të ri!
Ylli i Shqipërisë po bashkohet me yjet e Europës, edhe prej përkushtimit të tyre.
Do të vijojnë të kenë mbështetjen e pakursyer të Kuvendit, që jo thjesht të shpejtojmë, por të vrapojmë drejt bashkimit me familjen tonë europiane”, shkruan Spiropali.
