Këtë të premte, Partia Socialiste ka zhvilluar një takim me gratë dhe vajzat nën moton “Shqipëria është grua, Europa është grua”.
Në takimin e zhvilluar në sallën e TKOB, ka mbajtur fjalën drejtuesja politike e qarkut të Tiranës për PS-në, Elisa Spiropali.
Spiropali theksoi se socialistët janë për fitoren e 10-të në zgjedhje përballë demokratëve, teksa i ironizoi që nuk e mundin dot Edi Ramën. Më tej zbuloi edhe sekretin e fitoreve të PS-së, që janë gratë dhe vajzat.
Pjesë nga fjala e Spiropalit:
Cili është sekreti i tyre thonë disa? Sot kemi hyrë në periudhën zgjedhore për fitoren e 10-të me PS, besoj disa përgjigje do i japim. Disa thonë sekreti është se e kanë njohur pushtetin shumë gjatë. Janë partia e vjetër që ka trashëguar strukturat e partisë së vjetër. Disa thonë është dëshira e tyre për pushtet. Është fakti që socialistët dinë të jenë kritik, dinë të rilindin dhe të ringjallen dhe të kthehen në pushtet të rinovojnë skuadrën e tyre dhe të kenë alternativë. Kundërshtarët e shohin ndryshe, thonë Edi Rama nuk mundet. Nuk e mundin dot Edi Ramën dhe nuk e mundin dot PS. Në çdo studio ku diskutohen këto pyetje shtrohen, përgjigjet janë të ndryshme. Duke vizituar sallat e Shqipërisë dhe gratë na mbështesin dhe me entuziazmin që mbështesin PS dhe Edi Ramën. Sekreti është publik mbështetja nga gratë dhe vajzat e Republikës së Shqipërisë të cilat më mirë se gjithë të tjerët e dinë që është PS që i ka dhënë hapësirë të madhe në çdo nivel. Është kjo hapësirë që jo vetëm e zëmë me numra, por e kemi rritur, e kemi bërë më dinamik, duke i dhënë jo vetëm fytyrën tonë por edhe aftësitë tona. Gratë në parlament janë më të besueshme flasin për çështje komunitare. Është kjo forcë politike dhe ky lider që i ka dhënë hapësirë të madhe grave.
Sot, misioni ynë për 11 majin, kjo garë nuk është si gjithë të tjerat, është garë për Shqipërinë evropiane, ku fëmijët tanë të ndihen të dinjitetshëm. Shqipëria disa vite nuk është ajo që ka emrin sot dhe nderin në arenën ndërkombëtare.
Gratë votojnë Shqipërinë, votojnë të ardhmen e tyre. Edhe në këto zgjedhje do jenë çelësi i suksesit për ta çuar Shqipërinë në familjen evropiane.
