Kryetari i Partisë Demokratike, Sali Berisha ka marrë pjesë ditën e sotme në një konferencë së bashku me Sindikatat e Bashkuara.
Në fjalën e tij, kryedemokrati premtoi rritjen e pensioneve e të rrogave.
Sa i përket pagave, Berisha theksoi se nuk do të ketë rrogë nën 500 Euro si dhe do të vendoset paga për orë pune.
“Pas kësaj, ne do vendosim pagën për orë pune. Ne do ecim në rrugën që ecin vendet e lira. Vendet e lira nuk ecin në rrugën e shfrytëzimit të egër, ecin në rrugën e përhapjes së mirëqenies, rritjes së nivelit të jetesës së tyre”, tha Berisha.
Sa i përket rimbursimit të ilaçeve, garantoi pensionistët se do të jetë identike me atë të Italisë.
“Ne nuk jemi si Italia, por për ilaçet do të jemi ne se ilaçet nuk janë luks. Dhe jo vetëm kaq, në Shqipëri nuk mund të shiten ilaçe kurrë përveç atyre që tregtohen në dy vende anëtare të BE”, tha ndër të tjera Berisha.
