Denoncimi i ardhur në redaksinë e emisionit “Stop” lidhet me mjekët specialistë të laboratorit. Sipas denoncueses e kanë kthyer licencën në mjet pazari, duke e shitur për 100 mijë Lekë të vjetra.
“Licencat e mjekëve laboratorë në Shqipëri janë kthyer në pazare, por shiten për 100 mijë Lekë të vjetra. Po hapen klinika pa fund, mjafton të kenë licencën e një mjeku aty të varur në mur dhe mund të punojnë rehat. Unë personalisht jam në 2 laboratorë dhe nuk kam mundësi që të jem në 3-4, është e pamundur nuk kam kohë fizike për t’ia dalë. Por, ndërkohë që të funksionojë një klinikë me një laborator duhet me patjetër që ta ketë mjekun aty. Nuk i mjafton vetëm letra në mur”, tha për mikrofonin e emisionit “Stop” denoncuesja.
Klinikat mjaftohen vetëm me licencën në mur, pasi janë 827 laboratorë të licencuar në vend e vetëm 185 specialistë, mjekë laboratori klinikë, biokimikë dhe mikrobiologë.
Qytetarja: Si jeni? Doktoreshë X.. dua të takoj pak, të lutem!
Recepsioni: Doktoreshë X…?
Qytetarja: XXX, mjekja e laboratorit!
Recepsioni: Po! Po kush jeni juve?
Qytetarja: Dua të diskutoj diçka me doktoreshën!
Recepsioni: Po doktoresha për momentin nuk është këtu tani.
Qytetarja: Kur vjen? Që ta pres!
Recepsioni: Po përgjithësisht pasditeve.
Qytetarja: Të lutem, për të shkuar te laboratori, nga duhet të shkoj?
Doktoresha: Një kat më sipër, ec drejt!
Qytetarja: Doktoreshë XXX desha!
Doktoresha: Atje e ke te laboratori.
Qytetarja: Si jeni? Të lutem, të të pyes, ka ardh gjë doktoreshë XXX?
Informacioni: Nuk e kam parë.
Qytetarja: Hë?
Informacioni: Nuk e kam parë.
Qytetarja: Si jeni?
Personeli: Mirë!
Qytetarja: Doktoreshë XXX ka ardh?
Personeli: XXXX? Ja, një sekondë! Akoma!
Qytetarja: S’ka ardhur akoma?
Personeli: Jo!
Qytetarja: Faleminderit!
Po në Tiranë një tjetër mjeke laboratori është në 2 laboratorë, pedagoge dhe në QSUNT.
Qytetarja: Si kaluat?
Informacioni: Si jeni?
Qytetarja: Doktoreshë XXX, ka ardhur? XXXX?
Informacioni: Doktoreshë X?
Qytetarja: Po!
Informacioni: Sapo u largua.
Qytetarja: Ç’a ore vjen pak a shumë?
Informacioni: Sot s’e di, a vjen dot më.
Qytetarja: Nesër ç’a ore e gjej këtu?
Informacioni: Ja ta pyes fiks, se nuk e di ajo vjen, nuk është se ka një orar të caktuar në laborator.
Qytetarja: E kuptoj!
Qytetarja: Doktoreshë X ka ardhur? X..?
Informacioni: Doktoresha nuk është këtu për momentin.
Qytetarja: Vjen vetëm me orare me…
Informacioni: Po! Doktoresha është në mësim për momentin. T’ju jap unë numrin e saj dhe shkruaji në “Whatsapp”!
Kjo do të thotë, që 1 mjek duhet të jetë në 4 klinika njëherësh. Urdhri i Mjekut nuk merret me kontrolle, ndërsa Inspektoriati i Punës mjaftohet vetëm me dokumentacionin.
Sipas mjekut Ilir Alimehmeti, në vendin tonë nuk ka ente, që të kontrollojnë cilësinë e laboratorëve dhe kjo përbën problem për shëndetin e popullatës./tvklan.al
