Kryeministri Edi Rama është shprehur se anëtarësimin në BE duhet ta shikojmë më shumë sesa një bankomat.
Gjatë fjalës së tij në takimin e dytë të nivelit të lartë “Shqipëria2030 në BE – Rruga e Reformave”, Rama tha se shqiptarët janë rritur në ferr dhe BE është vendi i shpëtimit nga historia jonë.
“Kuvendi i Shqipërisë për një kohë të gjatë do jetë në një rol të dyfishtë, politik-bërjes së brendshme dhe një procesi që shkon përtej dhe vetë anëtarësimit. Dhe ka akoma në Kuvend një strukturë që ndjek çështje që lidhen me transparencë. Ne kemi kuptuar se rezulton një strukturë efikase.
Dua të them që nuk kemi zgjedhje tjetër, është vetëm një plan, një rrugë që është BE. Ne nuk jemi perëndimorë të përkëdhelur nga fati. Ne nuk jemi rritur aty dhe ashtu si janë rritur ata në Europën e viteve 70 apo 80. Ne jemi rritur në ferr dhe e dimë shumë mirë që BE është shumë më tepër se një bankomat. E dimë shumë mirë që BE është vendi i shpëtimit tonë nga historia jonë. BE është këndi nga ne duhet të shohim historinë tonë. Ne nuk mund ta shohim BE me sytë e të shkuarës, ne duhet të shohim tub shkuarën me sytë e BE dhe për ne kjo ëhstë e qartë dhe dera që është hapur duhet të shfrytëzohet pa u mbyllur”, tha Rama.
