Kryetari i PD, Sali Berisha ka reaguar në lidhje me ngjarjen e rëndë të ndodhur në qytetin Koçan të Maqedonisë së Veriut, ku nga flakët që përfshiu një lokal natë humbën jetën 59 persona dhe mbi 100 mbetën të plagosur.
Në një postim në rrjetet sociale, Berisha shpreh ngushëllime për familjet e viktimave si dhe u uron shërmi të shpejt të lënduarve.
Postimi i kryetarit të PD, Sali Berisha
Një tragjedi e rëndë në Maqedoninë e Veriut
Miq, një tragjedi e rëndë ka ndodhur në vendin mik.
Në një diskotekë në qytetin Koçan, Maqedonia e Veriut, 59 të rinj, të moshave 14-25 vjeç, humbën jetën tragjikisht nga zjarri, ndërsa 155 të tjerë pësuan djegie të shkallëve të ndryshme dhe helmim nga monoksidi i karbonit. Ndër ta, 18 janë në gjendje të rëndë.
Me këtë rast, shpreh ngushëllimet më të ndjera të mia dhe të Partisë Demokratike për familjet e viktimave, si dhe solidaritetin tonë me autoritetet lokale dhe qendrore të Maqedonisë së Veriut. Gjithashtu, lutemi për një shërim sa më të shpejtë dhe të plotë të të plagosurve në këtë tragjedi të tmerrshme. #sb
