Mbrëmjen e të hënës, në emisionin “Opinion” u diskutua lidhur me mbylljen e TikTok.
Kryeministri i Shqipërisë, Edi Rama, ka insistuar për mbylljen e TikTok.
Paralajmërimi erdhi pas vrasjes së 14-vjeçarit në derën e shkollës “Fan Noli”.
Çështja e TikTok është një vendim që lidhet me politikëm, por i vështirë edhe në aspektin teknik.
Në SHBA e BE, mbyllja e TikTok është tentuar kryesisht për të limituar rrjedhjen e të dhënave të një kompanie që mund të japë akses te shteti kinez.
Australia ka vendosur një limitim të përdorimit nga të miturit. Shqipëria ka vendosur ta mbyllë krejtësisht duke u bërë ndoshta i pari vend i hapur që tenton ta ndalojë 100%.
Një çështje komplekse që lidhet me lirinë e shprehjes dhe informimit, të drejtën tregtare dhe me problematikat e fëmijëve.
Të ftuar: Anxhela Faber, Anila Ahmataj, Erjon Malaj, Besart Xhaferri, Tomi Kallanxhi, Katerina Hysenllari
Në pjesën e tretë të emisionit “Opinion” intervistë me Tyler O’Neil, një shkrimtar e gazetar amerikan gjatë një seance dëgjimore me Kongresin Amerikan për ndihmat e USAID. Ai deklaroi që një organizatë jo-qeveritare shqiptare kishte marrë para nga USAID përmes fondacionit Soros që sanksionoi kryetarin e opozitës shqiptare.
