Policia e Elbasanit ka arrestuar një 45-vjeçar, pasi përplasi me automjet një shtetase, e cila për pasojë humbi jetën në spital dhe u largua nga vendi i aksidentit.
Mësohet se në pranga është vënë shtetasi M. P., 45 vjeç, i cili akuzohet për veprat penale “Shkelja e rregullave të qarkullimit rrugor”, me pasojë vdekjen dhe “Largimi nga vendi i aksidentit”.
“Specialistët e Qarkullimit Rrugor të DVP Elbasan arrestuan në flagrancë shtetasin M. P., 45 vjeç, banues në Korçë, për veprat penale “Shkelja e rregullave të qarkullimit rrugor”, me pasojë vdekjen dhe “Largimi nga vendi i aksidentit”.
Ky shtetas, ditën e djeshme, në lagjen “Shënkoll”, Elbasan, me automjetin që drejtonte dyshohet ka përplasur shtetasen F. H., 69 vjeçe, këmbësore, dhe më pas është larguar argua nga vendi i aksidentit.
69-vjeçarja ka humbur jetën në Spitalin e Traumës, Tiranë”, njofton policia.
Materialet iu referuan Prokurorisë, për veprime të mëtejshme./Opinion.al
