Me 160 vota pro, Konstantinos Tassoulas, është zgjedhur sot si Presidenti i ri i Republikës së Greqisë. Ai do të betohet në detyrë më 13 mars, kur i mbaron mandati presidentes aktuale, Katerina Sakellaropoulou.
156 deputetët e Demokracisë së Re të udhëhequr nga kryeministri Kyriakos Mitsotakis, por edhe ish-kryeministri Antonis Samaras e të pavarurit Marios Salmas, Haris Katsivardas dhe Pavlos Sarakis votuan pro kandidaturës së ish-kryetarit të Kuvendit për deputet.
Në seancë munguan 24 deputetë. Sakaq, tre kandidatët e tjerë morën shumë pak vota. Respektivisht, Tasos Giannitsis mori 34 vota, Luka Katseli 29 vota dhe Kostas Kyriakou 14 vota.
Konstantinos Tassoulas tha pas zgjedhjes se për të është një nder dhe përgjegjësi e madhe detyra e re si President i Republikës.
Ai bëri thirrje për “kohezion social” dhe shtoi se “Greqia dhe grekët kanë kërkesa për siguri kombëtare, prosperitet dhe mbrojtje civile, drejtësi më të drejtë se e sotëshmja”.
Tasoulas theksoi gjithashtu se pavarësisht trazirave ndërkombëtare, është i rëndësishëm forcimi i aftësive mbrojtëse dhe diplomatike dhe kohezioni social brenda BE-së. Në një klimë unifikuese, ai kërkoi gjithashtu që “pavarësisht mosmarrëveshjeve individuale, filli i padukshëm që bashkon Greqinë nuk duhet të prishet”.
