Emisioni i të martës u fokusua te 3 vrasjet e ndodhura në 8 ditë, të cilat tronditën opinionin sepse asnjëra prej tyre nuk kanë ndodhur në gjaknxehtësi apo sherr, por të planifikuara.
Një prej tyre e zbardhur, dy të tjerat të mbetura ende mister, kanë të panjohura por po punohet për të mësuar çfarë ka ndodhur realisht.
Një tjetër temë debati ishte dëshmia bombë në gjykatë nga Nuredin Dumani, i cili ka rihapur një debat shumë të madh në lidhje me vendimet që jep drejtësia për lirimin e tyre dhe me pagesat që mund të bëhen në këtë drejtim. Dëshmia e tij ishte bombë dhe një akuzë ndaj ministrit të Drejtësisë të kohës, i cili ka reaguar edhe vetë por çfarë ka ndodhur?
Te ftuar: Klodiana Lala –gazetare, Merin Maci- gazetar, Spartak Koka- gazetar, Arlinda Selmani- psikologe klinike/ligjore
Në pjesën e fundit të emisionit u transmetua një reportazh. Vila verore e mbretit Zog e ndërtuar në një kodër që dominon Durrësin. Historia e saj është shumë e hershme, ka nisur si një vilë e Esat Pashë Toptanit në vitin 1914 kur princ Vidi ishte në Durrës. Arriti të mbarohet në vitin 1938, e projektuar nga Florestino de Faustro, një prej arkitektëve më të mëdhenj të kohës. U ndërtua me fondet italiane që Zogu mori, madje ai kaloi aty natën e parë të martesës me mbretëreshën Geraldinë. Ishte një vilë siç thotë Ciano në kujtimet e tij, Zogu mburrej me tavanin e saj të larë me ar. Në vitin 1997, kjo perlë arkitektonike u bastis dhe grabit e gjitha. Mermeret e dyert janë shkulur dhe nuk ka mbetur më asgjë. Prej 27 vjetësh ajo qëndron si një lloj varreze, por Kadri Morina e ka blerë së fundmi dhe ka premtuar se do t’i rikthejë shkëlqimin e mëparshëm, në identitetin e saj duke e shndërruar në një sallë eventesh.
