Një shpërthim i fuqishëm është regjistruar në orët e para të mëngjesit në një rafineri nafte të kompanisë Eni në Calenzano të Firences.
Ky shpërthim ka shkaktuar të paktën një viktimë dhe shtatë të plagosur, dy prej të cilëve ndodhen në spital në gjendje të rëndë.
Sipas mediave italiane, mësohet se shpërthimi ndodhi në një zonë të përcaktuar si pikë ngarkimi ku cisternat mbushen me karburant.
Më shumë se një automjet duket se janë përfshirë nga flakët si dhe streha e strukturës.
Kolona e tymit ka mbuluar të gjithë zonën e vendngjarjes si dhe ka qenë e dukshme edhe nga komunat e afërta.
Në vendngjarje po punojnë forcat zjarrfikëse dhe policia.
Trafiku hekurudhor është pezulluar edhe në linjat konvencionale Firence-Bolonjë dhe Firence-Prato-Pistoia për shkak të ndërhyrjes së Zjarrfikësve dhe Policisë pas shpërthimit që ndodhi jashtë selisë hekurudhore në zonën e Calenzanos./Opinion.al
