Kryeparlamentarja, Elisa Spiropali ka reaguar sot lidhur me përfshirjen e “K’cimit të Tropojës” në Listën e Trashëgimisë Kulturore në UNESCO.
Përmes një postimi në rrjete sociale, Spiropali thotë se “K’cimi i Tropojës” është një tjetër pasuri e çmuar e Shqipërisë.
Ajo shprehet se patriotizmi, krenaria, fisnikëria dhe talenti i artistëve popullorë të Tropojës dhe Malësisë së Gjakovës, janë tashmë pjesë e thesareve kulturore të njerëzimit.
“K’cimi i Tropojës”, një tjetër pasuri e çmuar e Shqipërisë, u shpall pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO.
Shpirti krijues, patriotizmi, krenaria, fisnikëria, virtuoziteti dhe talenti i artistëve popullorë të Tropojës dhe Malësisë së Gjakovës, pjesë e identitetit dhe e vlerave tona kombëtare, janë tashmë pjesë e thesareve kulturore të njerëzimit.
Mirënjohje për të gjithë ata që kontribuan në këtë arritje kombëtare”, shkruan Spiropali.
