Një ngjarje e rëndë ka ndodhur mbrëmjen e sotme në qytetin e Shkodrës, ku një e mitur ka humbur jetën në spital.
Sipas njoftimit të policisë, dyshohet se 15-vjeçarja ka tentuar të vetëvaret në banesën e saj. Ajo është transportuar nga familjarët në Spitalin e Shkodrës, por nuk ka mundur të mbijetoi.
Shkodër/Informacion paraprak
Më datë 13.11.2024, rreth orës 20:00, në urgjencën e Spitalit Shkodër është sjellë nga familjarët një shtetase e mitur rreth 15 vjeçe, e cila dyshohet se ka tentuar të vetëvarej në banesë. E mitura 15 vjeçare ka humbur jetën në spital.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.
