Kryeministri Edi Rama do të rikthehet për të dytën herë në Greqi në turin e tij të takimeve me Diasporën.
Këtë herë kreu i qeverisë shqiptare do të takohet me shqiptarët në Selanik, të dielën në “Porto Palace Hotel”.
Mësohet se për këtë takim, ultracionalistët grekë kanë planifikuar të zhvillojnë një protestë.
Në tubimin që do të mbahet nga shoqatat nacionaliste greke në Selanik, gjatë takimit të KM me Diasporën shqiptare, fjalimin kryesor do ta mbajë kryetari i partisë ultranacionaliste greke, Fronti Kombëtar, Dimitris Valasidis.
Gjatë protestës do të hidhen në rrugë fletushka me shkrimet “Liri për “Vorio Epirin”.
Valasidis ka marrë pjesë edhe në protesta që janë zhvilluar për çështjen “vorio-epirote” para Konsullatës së Përgjithshme të RSH në Selanik.
