Një zjarr përfshiu sot fabrikën e plastikës në Elbasan, në zonën e ish-Metalurgjikut duke shkaktuar dëme të mëdha materiale dhe frikë tek banorët që jetojnë pranë kësaj zone.
Dëshmitarët kanë folur për mediat, duke treguar momentet e para të zjarrit, që sipas tyre kanë qenë momente të rrezikshme për punëtorët.
Njëri prej tyre tha se fatmirësisht asnjë prej punëtorëve nuk ka marrë lëndime si pasojë e zjarrit.
“Ishte tej mase e rrezikshme qoftë për punëtorët që ishin brenda, qoftë dhe me personelin e fabrikës, të cilët janë angazhuar më forcat e veta para se të vinte zjarrfikësja. Ka qenë tej masa e rrezikshme qoftë për punëtorët, qoftë për personelin.
Fabrika prodhon arka plastike dhe tuba për kalimin e ujit. Të lënduar nuk ka pasur, as nga punëtorët dhe as nga personeli. Unë punoj në një fabrikë tjetër, dhe në momentin kur kam konstatuar flakët jam paraqitur direkt për ndihmë në mënyrë humane. Janë rreth 25-30 punëtorë”, tha ai.
