Teksa na ndan edhe pak kohë nga hapja e kampit në Gjadër, Italia duket se ka përcaktuar një listë me udhëzime se si duhet të sillen punonjësit italianë të kampit të emigrantëve në Gjadër.
Agjentët italianë pritet të mbërrijnë në Shqipëri më 20 gusht për mbikëqyrjen e qendrave të emigrantëve.
Sipas një artikulli në La Reppublica, mësohet se ata janë trajnuar lidhur me sjelljen e tyre duke përfshirë këtu edhe mënyrën e sjelljes me gratë shqiptare, porositë në bare e restorante, qasjen ndaj qytetarëve, dhe moderimin e të folurit në publik.
Guida përmban 14 pika të përcaktuara për 45 oficerët e parë të policisë italiane që do mbërrijnë në Shqipëri.
Oficerët italianë janë këshilluar që të kenë kujdes kur flasin, pasi sikurse iu është komunikuar gjatë trajnimit, pothuajse të gjithë shqiptarët kuptojnë gjuhën italiane.
Po ashtu këshillohet të mos flirtojnë ose ngacmojnë me femrat shqiptare, për të mos hapur probleme me bashkëshortët e tyre.
“Si fillim, “shmangni qasjen ndaj grave shqiptare. Një burrë që e sheh gruan e tij të kuruar nga një burrë tjetër, mund të reagojë keq”. Dhe ndërsa jemi në të, duke qenë se këta janë “një popull modest, lakuriqësia apo veshja e papërshtatshme në publik nuk është e mirëseardhur.
Konsumimi i kafe nuk është në banak por vetëm ulur”, “Në restorante, rrini në menu, kërkesat për ndryshime nuk janë të mirëpritura”. Dhe, në fund, rekomandimi i rekomandimeve: “Kini kujdes se si flisni… pothuajse të gjithë shqiptarët dinë italisht.
Shqipëria është një vend shumë i sigurt, nuk ka mikrokrim (as vjedhje, as grabitje, as ngacmime seksuale). Prandaj shmangni mosbesimin.
Në Shqipëri nuk ka fanatizëm fetar. Pavarësisht se është një vend me shumicë besimi mysliman (mbi 50% të popullsisë), ka bashkëjetesë paqësore”, thuhet ndër të tjera në dokument.
Kujtojmë se 45 oficerë italianë, mes të cilëve edhe një menaxher, do të mbikëqyrin një maksimum prej 20 emigrantësh që do mbërrijnë në Shqipëri.
