Organizatorët olimpikë kanë lëshuar një “falje të thellë” pasi atletët e Koresë së Jugut u prezantuan gabimisht si Koreja e Veriut në ceremoninë e hapjes në Paris.
Mirëseardhja franceze e 5 kontinenteve në Lojërat Olimpike kaloi mes polemikash të forta në opinionin ndërkombëtar por edhe gafash që ndodhën në ceremoninë hapëse.
Flamuri i eventit, me 5 rrathët që personifikojnë 5 kontentet e globit ishte vendosur përmbys, duke shkaktuar reagime të shumta në rrjetet sociale, si një turp i rëndë.
Dy Koretë janë ndarë që nga fundi i Luftës së Dytë Botërore, me tensionet mes shteteve që janë përshkallëzuar më tej kohët e fundit.
Sidoqoftë, titrat që përshkuan pjesën e poshtme të transmetimit televiziv treguan titullin e saktë.
Ministria e sportit të Koresë së Jugut tha se planifikonte të paraqiste një “ankesë të fortë” për këtë gafë të turpshme.
Në një deklaratë, ministria shprehu “keqardhjen për njoftimin ku delegacioni i Koresë së Jugut u prezantua si ekipi i Koresë së Veriut”.
Deklarata shtoi se zëvendësministri i dytë i sportit, Jang Mi-ran, një kampion olimpik 2008 në peshëngritje, kishte kërkuar një takim me presidentin e Komitetit Olimpik, Thomas Bach.
Komiteti Olimpik Ndërkombëtar (IOC) lëshoi një falje në llogarinë e tij zyrtare në gjuhën koreane X, duke thënë:
”Dëshirojmë të kërkojmë ndjesë të thellë për gabimin që ndodhi në prezantimin e delegacionit të Koresë së Jugut gjatë ceremonisë së hapjes”.
Koreja e Jugut, e njohur zyrtarisht si Republika e Koresë, ka 143 atletë në ekipin e saj olimpik këtë vit, duke konkurruar në 21 sporte.
Koreja e Veriut ka dërguar 16 atletë. Kjo është hera e parë që ajo ka konkurruar në lojëra që nga Rio 2016.
