Mbrëmjen e djeshme Shqipëria u trondit nga një atentat që u mori jetën tre personave në Memaliaj.
Mes viktimave ishte dhe i Marsel Çela, i cili ishte klient në lokalin ku ndodhi ngjarja dhe në atë moment po konsumonte një pije.
Për ngjarjen e rëndë ka reaguar vëllai i Marsel Çelës, i cili kërkon kapjen e autorëve dhe vënien e drejtësisë për ekzekutimin e 47-vjeçarit.
“Vëllai im është i pafajshëm. Doli të pinte kafe. Shikonte punën e tij. Punonte në Vlorë. La pas dy prindër të moshuar e të sëmurë. Shteti të verë dore. Të gjejë një orë e më parë autorët”.
Për “Top Channel”, vëllai i 47-vjeçarit paralajmëroi vetëdrejtësi, nëse autorët nuk kapen.
“Po nuk i gjeti, do na detyrojë të vemë një shirit në krah e ta zgjidhim vetë. Flasim për dy jetë të pafajshme. As kamarieri s’ka asnjë faj. Punonte për bukën e gojës”.
