Orangutangu Walter ka parashikuar rezultatin e mundshëm të ndeshjes së parë hapëse të Euro2024.
Gjermania e cila do të luajë me Skocinë ditën e sotme në orën 21:00, parashikohet të dalë triumfuesja e kësaj përballjeje.
Orangutangu i kopshtit zoologjik të Dortmundit i quajtur Walter, 35 vjeç, nuk është i panjohur për të parashikuar rezultatin e ndeshjeve të futbollit dhe është veteran i eventeve të mëparshme të Kupës së Botës dhe Europianit, si dhe në sfidat e klubeve gjermane dhe evropiane.
Para tij u vendosën dy kova ku secili mbante një shall me flamurin gjerman dhe një tjetër me flamurin skocez.
Turneu fillon të premten në Mynih dhe Gjermania do të nisë si favorit i fortë ndaj Skocisë.
Walter bashkohet me një listë të krijesave të ndryshme si një oktapod dhe një elefant, që kanë parashikuar rezultatet e ndeshjeve ndërkombëtare të futbollit, zakonisht duke zgjedhur një tas me ushqim që mban flamurin e një ekipi mbi një tjetër.
Ndër më të famshmit ishte oktapodi i orakullit Paul, i cili jetonte në një akuarium në qytetin gjerman të Oberhausen, dhe që fitoi famë në Kupën e Botës 2010 për aftësinë e tij të çuditshme për të parashikuar rezultatet e ndeshjeve të Gjermanisë. Ai parashikoi saktë se si do të kalonte Gjermania në shtatë ndeshje./Opinion.al
