Policia ende nuk ka mundur të gjejë trupin e 31-vjeçarit Eraldo Nevruzi, i cili është vrarë me armë zjarri nga Gerald Shehu.
Ngjarja ka ndodhur në një hotel në Dhërimi, ku 31-vjeçari punonte si recepsionistë, ndërsa Gerald Shehu është bashkëpronar i këtij biznesi.
Policia bën me dije se po bashkëpunon me Policinë greke për të bërë të mundur lokalizimin dhe kapjen e vrasësit, pasi nga hetimet e deritanishme, pamjet filmike të sekuestruara dhe dëshmitë e marra dyshohet se Gerald Shehu ka qëlluar me armë zjarri ndaj shtetasit Eraldo Nevruzi.
Po ashtu, përveç policisë greke, ku dyshohet se është arratisur autori, Policia e Shtetit po bashkëpunon dhe me autoritetet e vendeve të tjera në rajon.
Njoftimi i Policisë
Në vijim të veprimeve intensive që po kryen grupi hetimor, në drejtimin e Prokurorisë, për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit, sqarojmë se nga kontrollet e deritanishme nuk është bërë ende e mundur gjetja e shtetasit E. N.
Policia e Shtetit ka shpallur në kërkim autorin e dyshuar, shtetasin G. Sh. (bashkëpronar i hotelit ku punonte shtetasi E. N.) dhe po bashkëpunon me Policinë greke për të bërë të mundur lokalizimin dhe kapjen e tij, pasi nga hetimet e deritanishme, pamjet filmike të sekuestruara dhe dëshmitë e marra, dyshohet se shtetasi G. Sh. ka qëlluar me armë zjarri ndaj shtetasit E. N.
Policia e Shtetit vë në dispozicion foton e autorit të dyshuar, e cila i është vënë në dispozicion edhe Policisë greke dhe partnerëve të vendeve të rajonit.
