Të mërkurën, më 29 maj 2024, në emisionin ‘’Opinion’’ u trajtua tema: ‘’Sytë nga masakra në Rafah!’’
Një nga katastrofat më të mëdha të botës moderne, Gaza dhe sulmi i nisur në 26 maj ndaj Rafahut, zona e fundit që ka mbetur jashtë kontrollit territorial të Izraelit. Rafahu është një zonë në kufirin me Egjiptin ku pjesa më e madhe e thuajse 2 mln banorëve të Gazës si pasojë e bombardimeve dhe shtyrjeve të ushtrisë izraelite janë grumbulluar në kampe humanitare ku kanë mbetur kryesisht gra dhe fëmijë. Gjithë pjesa e Sinait që kufizon kanalin e Suezit me zonën e Rafahut që deri në 30 km nga kufiri vijon të kontrollohet nga banda dhe grupe të armatosura, identiteti i të cilave është i vështirë. Çfarë po ndodh në Rafah?Përse pothuajse e gjithë bota i ka kërkuar Izraelit të ndërpresë ofensivën?
Të ftuar: Agim Nesho, Fitim Zekthi
Gjithashtu në këtë pjesë ishte i ftuar edhe gazetari i Klan Neës, Besar Bajraktari, i cili foli lidhur me dhunimin e avokatit Sokol Mëngjesi.
Në pjesën e dytë, ishte një rrëfim i rrallë i Ramiz Tafilaj. Një shqiptar në Teksas, SHBA në vitin 1990 arriti të merrte një vizë për të udhëtuar në Shqipërinë e dekompozuar komuniste. Ai mbërriti në Tiranë në vitin 1990 duke pasur me vete një kamera amatore me të cilën për 2-3 vite arriti të filmonte pamje të rralla të Shqipërisë së viteve ’90. Përveç pamjeve e imazheve të qyteteve shqiptare, ka edhe pamje të personazheve publike si Edi Rama, Azem Hajdari, Bashkim Kopliku etj. Ndryshe nga pamjet përpara viteve ’90, këto janë të pacensuruara dhe të filmuara në mënyrë amatore.
Në pjesën e tretë të emisionit ishte Erjon Ismaili është shef i krimit ekonomik në Policinë e Tiranës. Ai foli për falsifikimin e veprave të të Ismail Kadaresë, duke shkaktuar dëme ekonomike për autorin e librave dhe shtëpinë botuese./Opinion.al
