Një aksident ka ndodhur mëngjesin e sotëm në aksin Bradashesh-Elbasan, ku si pasojë kanë mbetur të plagosur dy persona.
Sipas uniformave blu mësohet se automjeti me drejtues shtetasin H. D. është përplasur me automjetin me drejtuese shtetasen E. H.
“Elbasan/Informacion paraprak
Rreth orës 07:30, në aksin rrugor “Bradashesh-Elbasan”, automjeti me drejtues shtetasin H. D. është përplasur me automjetin me drejtuese shtetasen E. H.. Nga përplasja janë dëmtuar shtetasja E. H. dhe pasagjeri i automjetit me drejtues shtetasin H. D., të cilët janë transportuar në spital, për ndihmë mjekësore.
Me drejtuesin e automjetit, shtetasin H. D., po kryhen veprimet e mëtejshme procedurale”, njofton policia.
Grupit hetimor po punon për sqarimin e rrethanave të aksidentit./Opinion.al
