Furgoni i Ministrisë së Shëndetësisë ka dalë nga rruga në aksin Lezhë-Laç.
Uniformat blu bëjnë me dije se shoferi i furgonit ka pësuar arrest kardiak dhe ka ndërruar jetë.
Në furgon ndodheshin edhe 4 persona të tjerë, personel i Ministrisë së Shëndetësisë, të cilët janë në gjendje të mirë shëndetësore.
“Rreth orës 10:00, në aksin rrugor “Lezhë-Milot”, shtetasi A.S., rreth 50 vjeç, teksa drejtonte automjetin, dyshohet se ka pësuar arrest kardiak. Si pasojë, automjeti ka dalë nga rruga dhe 50-vjeçari ka humbur jetën”, njofton policia.
Grupi hetimor po kryen veprimet për zbardhjen e rrethanave të rastit.
