Policia e Kosovës ka arrestuar ditën e sotme në flagrancë dy persona.
Uniformat blu njoftojnë se gjatë ndalimit të dy shtetasve, njëri nga ata me qëllim të fshehjes së provave ka gëlltitur një qese të vogël me lëndë narkotike të llojit kokainë, të cilën paraprakisht e kishte blerë nga personi që e shoqëronte
Ngjarja ka ndodhur rreth orës 14:30 në rrugën e Pejës në Fushë Kosovë, shkruan Express.
“Personat e dyshuar E.XH., (viti i lindjes 1982) dhe A.I., (viti i lindjes 1979) janë ndaluar, por gjatë ndalimit është vërejtur se i dyshuari i dytë me qëllim të fshehjes së dëshmive ka gëlltitur një qese të vogël me lëndë narkotike të llojit kokainë, të cilën paraprakisht e kishte blerë nga i dyshuari i parë”, njofton policia.
