Një 53-vjeçar është arrestuar nga policia, pasi gjatë protestës së dhunshme përpara Bashkisë Tiranë, ai ka kundërshtuar dhe ka ushtruar dhunë ndaj punonjësve të Policisë.
Mësohet se në pranga ka rënë shtetasi A. M., 53 vjeç, banues në Tiranë.
”Në vijim të veprimeve hetimore të kryera në lidhje me aktet e dhunshme gjatë protestës së datës 19.04.2024, përpara Bashkisë Tiranë, u ndalua shtetasi A. M., 53 vjeç, banues në Tiranë.
Gjatë protestës, 53-vjeçari ka kundërshtuar dhe ka ushtruar dhunë ndaj punonjësve të Policisë”, njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë./Opinion.al
