Me 6 vite burg është dënuar nga Gjykata e Lezhës Antonio Lekën, i cili në 2023, u kap me arsenal armësh me vete dhe i veshur me jelek antiplumb.
Kujtojmë se pas arrestimit ai deklaroi para policisë së ishte nisur për të vrarë politikanët e Lezhës, ndërsa në momentin e arrestimit ai nuk bëri rezistencë.
Antonio Leka u ndalua nga policia në aksin rrugor Lezhë-Milot, pranë fshatit Ishull-Shëngjin, ndërsa ka qenë vëllai i tij i cili sinjalizoi policinë se ai po lëvizte i armatosur dhe mund të kryente ndonjë ngjarje kriminale.
Policia i sekuestroi Lekës 1 armë zjarri pistoletë me 5 karikatorë, 1 automatik me 5 karikatorë, 550 fishekë luftarakë për pistoletën dhe automatikun, 1 palë dylbi, 1 antiplumb ushtarak, 1 thikë, 1 çantë ushtarake, 75 gramë lëndë e dyshuar narkotike kanabis dhe rroba kamuflazhi.
