Punimet në aksin Orikum-Dukat janë drejt përfundimit. Ministrja e Energjisë dhe Infrastrukturës dhe njëkohësisht zv.kryeministrja Belinda Balluku inspektoi punimet, ku u shpreh se po punohet për 2 kilometrat e fundit.
Balluku tha se rruga është në 2 km e fundit të tapetit të asfaltit dhe pritet të përfundojë brenda 15 ditësh.
Ministrja u shpreh se sfida për këtë sezon veror është mbarimi i tunelit të Llogarasë brenda datës 30 qershor, ashtu siç është premtuar.
“Janë 2 km e fundit të tapetit të asfaltit, me ritmet që po ecën kantieri do jetë gati për 15 ditë. Proceset e shpronësimit shkaktojë ndonjëherë vonesa të vogla në rastin e rrugëve. Sfidë është mbarimi i tunelit të Llogarasë brenda 30 qershorit dhe lidhja e këtij aksi me tunelin”,-tha Balluku.
