Një aksident ka ndodhur ditën e sotme në Fier, ku si pasojë ka mbetur i plagosur një i moshuar.
Sipas uniformave blu mësohet se ngjarja ndodhi rreth orës 16:50 në aksin rrugor “Fier-Lushnjë”, ku shtetasi A. I., 48 vjeç, duke drejtuar automjetin tip “Volswagen”, ka përplasur shtetasin S. K., rreth 80 vjeç, i cili po udhëtonte me biçikletë.
Si pasojë e përplasjes është dëmtuar 80-vjeçari i cili ndodhet në spital në kujdesin e mjekëve.
“Fier/Informacion paraprak
Rreth orës 16:50 në aksin rrugor “Fier-Lushnjë”, shtetasi A. I., 48 vjeç, banues në Lushnjë, duke drejtuar automjetin tip “Volswagen”, ka përplasur shtetasin S. K., rreth 80 vjeç, i cili po udhëtonte me biçikletë.
Si pasojë e përplasjes është dëmtuar biçiklisti, shtetasi S. K., i cili ndodhet në spital në kujdesin e mjekëve”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit./Opinion.al
