Një 47-vjeçar është vetëhedhur nga kati i 3-të i Spitalit të Traumës në Tiranë dhe si pasojë ka ndërruar jëtë. Ngjarja ka ndodhur rreth orës 05:30.
Policia bën me dije se M. H. u paraqit për ndihmë mjekësore në spital një ditë më parë pasi ishte vetëplagosur me mjet prerës thikë, në Tepelenë.
Sipas familjarëve, 47-vjeçari vuante nga probleme të shëndetit mendor.
Tiranë/Informacion paraprak
Më datë 25.02.2024, rreth orës 05:30, dyshohet se është vetëhedhur nga kati i 3-të i Spitalit të Traumës, shtetasi M. H., 47 vjeç, i cili si pasojë e dëmtime të marra ka ndërruar jetë.
Ky shtetas është paraqitur për ndihmë mjekësore në spital, më datë 24.02.2024, rreth orës 12:00, pasi është vetëplagosur me mjet prerës thikë, në Tepelenë.
47-vjeçari vuante nga probleme të shëndetit mendor, dhe sipas deklarimeve të familjarëve ka tentuar të vetëvritet dhe më parë.
Grupi hetimor po punon për sqarimin e rrethanave të ngjarjes.
