“Ishte zgjedhje e natyrshme e kryeminstrit”, kështu është shprehur Blendi Gonxhe për pozicionin e ri që do të marrë lidhur me drejtimin e Ministrisë së Ekonomisë, Kulturës dhe Inovacionit.
I ftuar mbrëmjen e sotme në “Opinion”, Gonxhe ka folur lidhur me raportet e tij ndër vite me kryeministrin Rama, ku ka theksuar se vënia e tij në karrigen e ministrit nuk është biseduar absolutisht me të.
Blendi Fevziu: Ishte zgjedhje e Ramës apo e biseduar me ty?
Blendi Gonxhe: Jo nuk ka qenë e biseduar me mua. Them që ka ardhur në mënyrë të natyrshme, duke parë këtë vokacion mendoj dhe duke parë që… siç themi t’i gjejmë punës njeriun…Është marrë shembull nga ajo që është bërë.
Blendi Fevziu: Gjatë kësaj kohe ke komunikuar shpesh me Ramën? Jo tani, para se të vinte lajmërimi juaj si ministër?
Blendi Gonxhe: Për mendimin tim sukses në një administratë, dhe jo me Ramën, por me këdo shef qeverie apo dikasteri është kur flet sa më pak me titullarin, në kuptimin që punët ecin dhe nuk ka nevojë që gjithmonë të ndihmojë për të zgjidhur punët. Natyrisht që kemi folur për çështje momentale, sfida të forta, bllokime, nevoja që duhet të ndërhynte kryeministri. Por punët kanë ecur mirë edhe për shkak se kushtet në të cilat unë kam punuar kanë qenë të tilla që ndërtimi i ekipit…pra gjithë liria e dhënë edhe nga ana e Ministrisë së Infrastrukturës dhe Energjisë, edhe nga ana e zv.kryeministres, por edhe nga kolegë të ministrisë përkatëse të linjës, sidomos dhe nga kryeministri për një nga sektorët që mbase se përmendim shumë, por kemi të bëjmë të gjithë me të./Opinion.al
