Në Krishtlindje çdo gjë është e veshur me të kuqe, por dikur ngjyra e kësaj feste të krishterë ishte e bardha. Ndryshimi në ngjyrën e veshjeve gjatë festimeve të Krishtlindjeve nga e bardha tradicionale në të kuqen dalluese, ndodhi gjatë shekullit të 20-të. Ky transformim u ndikua nga të paktën dy ngjarje të rëndësishme.
Njëra prej tyre, e ndodhur në vitin 1930, lidhet me marketingun e Coca-Cola-s, e cila zgjodhi Santa Claus- in si dëshmi dhe ilustruesi amerikan Haddon Sundblom kodifikoi të kuqen e veshjes, duke marrë frymëzim nga ngjyra e rrobave të Shën Nikollës.
Ky i fundit, i njohur si shenjtori mbrojtës i fëmijëve, ishte i lidhur me Krishtlindjet në Evropën Veriore dhe Shtetet e Bashkuara. Kjo lidhje midis Santa Claus dhe Coca-Cola kontribuoi në përhapjen e së kuqes si ngjyra mbizotëruese e festave të Krishtlindjeve në të gjithë botën.
Pothuajse paralelisht, reklamat komerciale “zbuluan” yllin e krishtlindjeve (Euphorbia pulcherrima). Kjo bimë zbukuruese, nuk lidhet me Krishtlindjen sepse është e kuqe, por sepse i ka transmetuar ngjyrën festës së krishterë. E bëri këtë në vitin 1899, kur, pasi u përhap nga Meksika në Shtetet e Bashkuara, u përdor për të dekoruar bazilikën e Shën Pjetrit për festat e Krishtlindjeve. Rezultati ishte aq i bukur dhe spektakolar sa i dha famën dhe emrin aktual.
