Një ngjarje e rëndë ka ndodhur në Treviso të Italisë, ku një një 27-vjeçare shtatzënë është qëlluar për vdekje me thikë. Autori i dyshuar i ngjarjes është një shtetas nga Kosova, banues në Altivole me profesion shofer kamioni.
Sipas mediave vendase, Vanessa Ballan dhe Bujar F. 40 vjeç, kanë patur një raport dashurie që ka përfunduar në vitin 2022. Kjo ndarje nuk është pranuar nga 40-vjeçari i cili vazhdonte ta përndiqte. Mediat italiane shkruajnë madje se në muajin Tetor ai e kishte kërcënuar e shtantazhuar se do të publikonte në internet foto intime të tyre. Për këtë arsye 27-vjeçarja e kishte denoncuar në polici, ndërkohë që karabinierët kishin kryer një kontroll në banesën e 40-vjeçarit, duke i sekuestruar kompjuterin dhe celularin.
Vanessa ishte e martuar që prej vitit 2013 dhe ka një fëmijë 5-vjeçar, ndërsa priste tashmë fëmijën e dytë.
Ajo është qëlluar më shumë se shtate herë me thikë në derën e banesës së saj, ndërkohë që autori u largua në këmbë dhe më pas përdori një kamion./Opinion.al
