Mjaftuan disa orë reshje shiu që disa nga rrugët e Tiranës të përmbyteshin, duke shkaktuar trafik në shumë zona të kryeqytetit.
Pas kësaj situate, ka reaguar kryebashkiaku i Tiranës, Erion Veliaj i cili u kërkon qytetarëve që të mos përdorin makinën mbrëmjen e sotme dhe nesër që rrugët të jenë të lira për vinçat dhe eskavatorët.
Në rrjetet sociale, ai shkruan se grupet e punës të Bashkisë së Tiranës janë në terren për normalizimin e situatës si pasojë e stuhisë së fortë.
“Jemi ende duke punuar për zhbllokimin e dhjetra segmenteve nga pemët e rëna prej stuhisë së fortë! Të lutem na ndihmo duke MOS dalë me makinë sot e nesër që rrugët të jenë të lira për vinça, eskavatorë e kamionë që bëjnë transport të tonazhit të rëndë! Mirënjohje qindra kolegëve në terren”, shkruan kryetari i Bashkisë së Tiranës.
