Në emision “Opinion” të së martës 31 tetor 2023, është diskutuar tema “Çfarë po ndodh në Gaza?”
Luftimet mes Izraelit dhe Hamasit po kthehen gjithmonë e më intensive ndërkohë që trupat e Izraelit në fundjavë kanë depërtuar në brendësi të territorit të Gazës pasi kishin marrë dritën jeshile rreth 2 javë më parë për të penetruar në atë që quhej luftë urbane, pra luftë brenda territorit të Gazës.
Ndryshe nga sa pritej, forcat e Izraelit deri tani nuk kanë qëndruar në brendësi të territorit, kanë ndërmarrë inkursion dhe janë tërhequr sërish në pozicionet e tyre, ndoshta nga frika e një përplasje urbane që mund të sillte shumë viktima për ta. Por ajo që po kthehet tashmë në diçka të tmerrshme është situata humanitare në zonën e Gazës. Pikërisht situata në Gaza u diskutua mbrëmjen e së martës me një panel të ftuarisht në studion e Opinion.
Të ftuar në studio: Fitim Zekthi, Brenton Kotorri, Agim Nesho, Blerina Gjylameti, Julian Kasapi.
Ndërsa në pjesën e tretë të “Opinion”, është transmetuar një intervistë e kirurges Edlira Rehovica, në kuadër të Tetorit rozë, muajit të ndërgjegjësimit për kancerin e gjirit.
