Autoritetet në Kinë kanë shpëtuar rreth 1000 mace nga therja.
Macet, sipas një media të lidhur me shtetin, ishin pjesë e një rrjeti të tregtisë së paligjshme që shet mishin e kafshës si mish derri ose deleje.
Policia, sipas CNN, po vepronte në bazë të një informate nga aktivistët e kafshëve kur shpëtuan macet në fillim të këtij muaji.
Sipas gazetës së lajmeve, oficerët kapën automjetin që përdorej për të kontrabanduar macet. Raporti thotë se pa ndërhyrjen e policisë, macet ka të ngjarë të ishin therur dhe dërguar në jug nën maskën e helleve dhe salsiçeve të derrit dhe qengjit. Tashmë macet janë dërguar në një strehë aty pranë. Nuk është ende e qartë nëse ata janë kafshë shtëpiake të rrëmbyera apo endacakë.
Thuhet se aktivistët e kafshëve fillimisht vunë re kuti të shumta prej druri të gozhduara që mbanin mace pranë një varreze. Pasi patrulluan rrugët për gjashtë ditë, ata panë kamionë që nisën t’i transportonin në thertore dhe menjëherë pas kësaj kanë lajmëruar policinë duke kërkuar ndërhyrje.
Ky komplot thuhet se do të kishte arritur deri në 20,500 dollarë. Duke folur për The Paper, një aktivist tha se një kile mish mace e kaluar si mish deleje ose derri, mund të shitet për rreth 4 dollarë. Një mace zakonisht peshon rreth katër deri në pesë kilogramë pas përpunimit. Një aktiviste tha se nuk ishte hera e parë dhe se ajo kishte ndaluar më parë operacione të ngjashme të paligjshme në Guangdong.
Grupi ka ngritur shqetësime për të drejtat e kafshëve dhe sigurinë ushqimore në Kinë. Shumë prej tyre kanë përdorur mediat sociale kineze, duke bërë thirrje për një shqyrtim më të madh nga autoritetet./Opinion.al
