Sekretari i Jashtëm britanik James Cleverley ka udhëtuar sot drejt Izraelit për të shprehur solidaritetin e tij dhe për të treguar mbështetjen me popullin e Izraelit, pas sulmeve të Hamasit.
Gjatë vizitës në qytetin Ofakim në jug të Izraelit, sekretari Cleverley është përballur me sirenat që paralajmëruan një sulm me raketa të Hamasi.
Në një video të publikuar në rrjete sociale shihet momenti kur Cleverley vrapon për t’u mbrojtur nga sulmet, duke u fshehur në një ndërtesë aty pranë.
Zyra e Jashtme tha më herët se vizita e tij ishte projektuar për të shfaqur “solidaritet të palëkundur me popullin izraelit”.
“Ai do të takohet me të mbijetuarit e sulmeve dhe liderë të lartë izraelitë për të përshkruar mbështetjen e Mbretërisë së Bashkuar për të drejtën e Izraelit për t’u mbrojtur”, shtoi ai.
Ai ishte duke vizituar jugun e vendit kur shpërtheu alarmi dhe pritej të fliste me të mbijetuarit e ngjarjes.
Ofakim, i cili ka një popullsi mbi 30,000, u sulmua nga terroristët e Hamasit të shtunën dhe u pastrua nga forcat e sigurisë ditën e dielë./Opinion.al
Watch: while UK FM @JamesCleverly visits Ofakim in southern Israel, a siren goes off warning of incoming Hamas rocket fire.
This is the reality Israelis live with every day. pic.twitter.com/QF4C4tReqL
— Israel ישראל 🇮🇱 (@Israel) October 11, 2023
