Emona Muçi është shpallur fituese për vendin vakant të Gjykatës së Apelit në Këshillin e Lartë Gjyqësor. Muçi mori 133 vota pro saj, ndërsa kandidatja tjetër, Irida Kacerja grumbulloi 92 vota.
Sa i takon garës për vendin vakant të anëtarit të KLGJ-së nga radhët e gjykatave të Shkallës së parë fituese është Gentiana Muçaj me 114 vota kundrejt 112 votave të Alma Kodraliut.
Po kështu Markeljan Koça nga Shkalla e Parë Administrative është shpallur fitues.
Këshilli i Lartë Gjyqësor zgjodhi këtë të hënë 3 anëtarë të rinj, të cilët do të jenë pjesë e këtij institucioni për 5 vitet e ardhshme.
Tre anëtarët e rinj do të zëvendësojnë tre prej anëtarëve që iu përfundon mandati, Brikena Ukperaj nga Gjykata e Apelit dhe Dritan Hallunaj e Marçela Shehu nga Shkalla e Parë.
KLGJ ka në total 240 gjyqtarë, teksa kanë nënshkruar sot praninë në mbledhje 236 gjyqtarë, të cilët morën pjesë në votim.
