Kanë kaluar 24 orë nga aksidenti tragjik në Venecia, edhe ende nuk janë identifikuar të gjitha viktimat.
Mostrat e ADN-së mund të përdoren për të konfirmuar identitetin e disa prej 21 të vrarëve që nuk mbanin dokumente personale, tha prokurori Bruno Cherchi.
Autobusi elektrik u përplas përmes një pengese të martën në mbrëmje dhe ra pothuajse nga 15 metra në Mestre, e cila lidhet me Venecian nga një urë.
Tre fëmijë, përfshirë një foshnjë, ishin në mesin e të vdekurve, sipas zyrtarëve. Autobusi po transportonte 39 turistë nga qendra e Venecias për në një kamping.
Kryebashkiaku Luigi Brugnaro tha se kishte ndodhur një “tragjedi e madhe”.
“Një skenë apokaliptike, nuk ka fjalë”, tha ai në rrjetet sociale.
Mësohet se janë plagosur 15 persona, pesë prej tyre në gjendje të rëndë. Zyrtarët e Venecias thanë se përfshinin ukrainas, austriakë, spanjollë dhe turistë të tjerë të huaj. Prokurori i Venecias Bruno Cherchi tha se vetëm tre ose katër të mbijetuar deri më tani kishin qenë në gjendje të bisedonin me hetuesit.
Autobusi u përplas rreth orës 19:45 të martën. Me sa duket ishte marrë me qira nga një kompani vendase për të marrë turistët nga qendra historike e Venecias dhe për t’i çuar në një kamping në lagjen e afërt Marghera.
Kompania e autobusëve theksoi se automjeti 13-tonësh ishte elektrik, duke zbritur raportet e mëparshme se punonte edhe me gaz metan. Komandanti i brigadës së zjarrfikësve Mauro Longo tha se bateritë e autobusit morën flakë dhe e bënë detyrën e pastrimit të automjetit një operacion kompleks.
Ndërkohë kryeministrja e Italisë Giorgia Meloni tha shprehu ngushëllimet ë tyre për viktimat, familjen dhe miqtë e tyre./Opinion.al
