Prej disa ditësh në vendin tonë po zhvillohet censi për popullsinë dhe banesat. Për këtë temë ka folur në emisionin “Opinion”, kryetari i PDIU, Shpëtim Idrizi.
Ai ka shprehur kundërshtinë në lidhje me dy pyetje në censusin e popullsisë 2023, që kanë të bëjnë me etninë dhe fenë.
Kryetari i PDIU tha se Greqia shteti që ka lobuar që në censin shqiptar të përfshihen këto dy pyetje.
Ndërkohë që, sipas Idrizit, Greqia nuk njeh minoritetet në vendin e vet.
“Ajo që dimë është presioni i Greqisë. Dhe kam këtu deklaratat e Mitsotakis që thonë e shtyjmë qeverinë shqiptare ta bëjnë censusin me vetëdeklarim. Ai që ka lobuar për të futur dy pyetje në një ushtrim statistikor. Shqipëria ka regjistrin kombëtar të gjendjes civile. Ne regjistrohemi sa dalim nga materniteti. Prej këtu lindje, vdekje, pasaporta, karta identietti… Censusi është ushtrim statistikor, pra 35% e shqiptarëve, që janë jashtë, nuk marrin pjesë. Lobimi për të futur këto 2 pyetje është i një vendi, i Greqisë. Ndërkohë që Greqia është një ndër vendet që nuk njeh minoritetet, konventa kuadër që na vendoset si detyrese Greqia nuk e ka firmosur, Greqia nuk bën census vetë me këto ndjesitë. Ky shteti që vet nuk e bën, që nuk pranon vetë minoritetet, ka fut duart në një vend”, tha Shpëtim Idrizi.
