Klered Bozhanaj autori i dyshuar i plagosjes së efektivit të Shqiponjave dy ditë më parë në kryeqytet, ka refuzuar të japë shpjegime lidhur me arsyet e ngjarjes. Sikurse mësohet 42-vjeçari nuk ka pranuar të tregojë se cilat qenë motivet që e bënë të qëllojë mbi efektivin Edlir Alleshi.
Bozhanaj u largua nga vendngjarja, por pasi u shpall në kërkim ai u arrestua nga policia, teksa hynte në banesë në zonën e Kinostudios.
Mbi 600 policë u angazhuan për arrestimin e 42-vjeçarit, i cilësuar si person me rrezikshmëri të lartë, pasi dyshohet se ka pasur probleme me shëndetin mendor. /Opinion.al
